Në Prishtinë u shpall vendimi i parë për sulmin në Banjskë, ndërsa në Beograd ende nuk ka aktakuzë – pavarësisht thirrjeve nga BE, SHBA dhe NATO.
Përgjegjësinë për sulmin e 24 shtatorit 2023 e mori Millan Radoiçiq, i cili ndodhet në Beograd dhe hetohet vetëm për vepra të tjera, pa u akuzuar për rastin kryesor.
Në sulmin ndaj Policisë së Kosovës u vra rreshteri Afrim Bunjaku, ndërsa tre sulmues serbë u vranë gjatë përleshjeve.
Nga 45 të akuzuar nga Kosova, vetëm tre janë gjykuar – të arrestuarit në territorin e Kosovës – ndërsa të tjerët mbeten në arrati, pavarësisht fletarrestimeve ndërkombëtare nga Interpol.
Analistët në Serbi thonë se nuk presin ngritje aktakuze, duke e lidhur këtë me ndikimin politik dhe lidhjet e të dyshuarve me pushtetin në Serbi.
