Galatasaray është shpallur kampion i Süper Lig për sezonin 2025/26, duke siguruar titullin e katërt radhazi dhe të 26-in në historinë e klubit.
Skuadra nga Stambolli vulosi matematikisht titullin pas fitores 4-2 ndaj Antalyaspor në shtëpi, një javë para përfundimit të kampionatit.
Festa shpërtheu në Stamboll, ndërsa Galatasaray vazhdon dominimin absolut në futbollin turk, duke konfirmuar edhe një herë statusin si klubi më i trofeshëm në vend.
Ndërkohë, Beşiktaş pësoi humbje ndaj Trabzonspor, në një ndeshje ku shkëlqeu Ernest Muçi.
Sulmuesi shqiptar realizoi një supergol ndaj ish-skuadrës së tij, duke i dhënë fitoren Trabzonsporit dhe duke mbajtur ekipin në zonën që siguron pjesëmarrjen në UEFA Champions League për sezonin e ardhshëm.
