Anëtarja koordinuese e procesit zgjedhor të Lëvizjes Vetëvendosje për diasporën, Sadije Nura, ka deklaruar se mërgata shqiptare po tregon mobilizim dhe mbështetje të madhe për kryeministrin Albin Kurti dhe zgjedhjet e ardhshme.
Përmes një reagimi publik, ajo tha se shqiptarë nga vende të ndryshme të Evropës dhe botës kanë ardhur me entuziazëm për ta takuar kreun e LVV-së, duke e cilësuar këtë si dëshmi të mbështetjes së fortë të diasporës për të ardhmen politike të Kosovës.
“Mërgata shqiptare nga vende të ndryshme të Evropës dhe botës ka ardhur me shumë entuziazëm dhe krenari për me e taku Albin Kurti, duke treguar mbështetjen e tyre të fuqishme për zgjedhjet dhe për të ardhmen e Kosovës,” ka shkruar Nura.
Sipas saj, takimi është karakterizuar nga atmosferë pozitive, emocione dhe optimizëm, ndërsa ka theksuar se bashkimi i qytetarëve brenda dhe jashtë Kosovës përbën forcë të rëndësishme për zhvillimin e vendit.
Ky reagim vjen në kohën kur interesimi i diasporës për zgjedhjet e 7 qershorit ka shënuar rritje të ndjeshme, me mbi 100 mijë regjistrime të aprovuara për votim nga jashtë vendit.
