Të premten në Kosovë pritet të mbajë mot i paqëndrueshëm, i karakterizuar me alternime mes vranësirave dhe intervaleve me diell, ndërsa gjatë ditës parashihen edhe reshje lokale shiu.
Sipas parashikimeve, nuk përjashtohet mundësia që në disa zona të ketë rrebeshe të shkurtra shiu të shoqëruara me vetëtima dhe bubullima. Reshjet do të jenë kryesisht të karakterit lokal, që do të thotë se nuk do të përfshijnë të gjithë territorin e vendit.
Në disa rajone mund të paraqiten edhe rrebeshe më intensive, të shoqëruara me aktivitet më të theksuar atmosferik.
Temperaturat do të shënojnë luhatje, me vlerat minimale që pritet të zbresin deri në 10°C, ndërsa maksimalet gjatë ditës do të arrijnë deri në 24°C.
