Një “revolucion” i vërtetë ka nisur te AC Milan pas dështimit për të siguruar një vend në UEFA Champions League sezonin e ardhshëm.
Sipas raportimeve, Igli Tare, Massimiliano Allegri, Giorgio Furlani dhe Geoffrey Moncada janë larguar zyrtarisht nga detyrat e tyre pas mbylljes zhgënjyese të sezonit.
Vendimi i pronarit të klubit, Gerry Cardinale, vjen pas dështimit të skuadrës për të arritur objektivin minimal të sezonit.
Megjithatë, ky ndryshim i madh në strukturën drejtuese pritet t’i kushtojë shumë klubit. Raportohet se fatura totale e shkarkimeve arrin në rreth 22 milionë euro.
Sipas raportimeve:
- Largimi i Igli Tares pritet t’i kushtojë Milanit rreth 3 milionë euro, duke përfshirë pagat e mbetura nga kontrata e tij.
- Shkarkimi i Massimiliano Allegrit kap vlerën e 9 milionë eurove.
- CEO Giorgio Furlani përbën koston më të lartë, me rreth 10 milionë euro, pas rinovimit të kontratës.
- Ndërsa Geoffrey Moncada ishte në fund të kontratës dhe nuk sjell kosto shtesë për klubin.
Milani tashmë pritet të nisë një fazë të re ristrukturimi, ndërsa drejtuesit e rinj do të kenë për detyrë rikthimin e skuadrës mes elitës së futbollit evropian.