Analisti politik Ilir Deda ka kritikuar mënyrën se si po zhvillohet periudha para zgjedhjeve, duke thënë se fushata aktuale nuk po ngjan me një garë normale zgjedhore.
Duke komentuar shpërndarjen e fundit të ndihmave prej 100 eurosh nga qeveria, Deda tha se qytetarët janë mësuar që përpara çdo cikli zgjedhor të ketë mbështetje financiare.
“Mua kjo fushatë më duket më së paku si fushatë zgjedhore. Njerëzit u mësuan që një vit e gjysmë që para secilës palë zgjedhje ka përkrahje financiare për ta. Është hera e katërt që para zgjedhjeve kemi ndihma që u jepen njerëzve dhe kur nuk ke politikë të qëndrueshme bëhet kjo”, u shpreh ai.
