Të mërkurën në Kosovë pritet të mbajë mot jo-stabil, me alternim të periudhave me diell dhe vranësira lokale. Gjatë ditës do të ketë zhvillime të vranësirave konvektive, të cilat do të intensifikohen në orët e pasdites.
Si pasojë, në shumë zona priten rrebeshe lokale shiu të shoqëruara me vetëtima dhe bubullimë. Në disa rajone nuk përjashtohet mundësia për shtrëngata të izoluara më të fuqishme, me reshje intensive në periudha të shkurtra kohore, aktivitet të theksuar elektrik dhe erëra të përkohshme më të forta.
Zhvillime të tilla atmosferike mund të vazhdojnë edhe gjatë orëve të mbrëmjes dhe natës në disa pjesë të vendit.
Temperaturat minimale pritet të lëvizin rreth 12°C, ndërsa maksimalet do të arrijnë deri në 27°C. Në përgjithësi, dita do të karakterizohet nga mot i ngrohtë, por me paqëndrueshmëri të theksuar atmosferike.
