Drejtoria Rajonale e Policisë në Pejë ka realizuar një aksion gjatë fundjavës (06–07.06.2026), ku në lokacione të ndryshme janë sekuestruar armë, municion dhe pajisje të tjera të dyshuara si të përdorura për veprimtari kriminale.
Sipas njoftimit zyrtar, janë gjetur dhe konfiskuar:
- 1 pistoletë “Beretta”
- 1 armë gjuetie “Uzumlu”
- 1 pistoletë “M57”
- 1 pistoletë “TT”
- 25 fishekë
- 3 karikatorë
- 1 jelek antiplumb
- 1 thikë
- 1 radiolidhje
Në lidhje me rastet, policia ka arrestuar gjashtë persona të dyshuar. Pas intervistimit me urdhër të prokurorit të shtetit, pesë prej tyre janë liruar në procedurë të rregullt, ndërsa një person është ndaluar për 48 orë.
Policia Rajonale e Pejës ka theksuar se mbetet e përkushtuar në luftimin e dukurive negative dhe garantimin e rendit dhe sigurisë publike në të gjithë rajonin.
