Në Pallati i Rinisë, sot nga ora 12:00, hap dyert Panairi i Librit, një nga ngjarjet më të rëndësishme kulturore në Prishtinë, që çdo vit mbledh shtëpi botuese, autorë, studiues dhe dashamirës të librit nga Kosova dhe rajoni.
Vizitorët do të kenë mundësi të njihen me botimet më të reja, të përfitojnë nga ofertat promocionale dhe të marrin pjesë në promovime librash, takime me autorë dhe aktivitete të ndryshme letrare që do të zhvillohen gjatë ditëve të panairit.
Panairi pritet të sjellë një atmosferë të gjallë kulturore në kryeqytet, duke e kthyer Prishtinën për disa ditë në një qendër të rëndësishme të librit dhe dijes. Për lexuesit, ky është një rast ideal për të zbuluar tituj të rinj dhe për t’u afruar më shumë me botën e letërsisë.
