Sipas rezultateve të përmbledhura të KQZ-së, me 98 për qind të vendvotimeve të procesuara, Lëvizja Vetëvendosje ka siguruar listën e deputetëve që do ta përfaqësojnë partinë në legjislaturën e re.
Komisioni Qendror i Zgjedhjeve (KQZ) ka publikuar rezultatet e përmbledhura nga zgjedhjet e parakohshme parlamentare të 7 qershorit 2026, ku deri më 17 qershor në ora 14:26 janë procesuar 2,800 nga 2,857 vendvotime, ose 98 për qind e totalit.
Bazuar në këto rezultate preliminare, Lëvizja Vetëvendosje (LVV) ka konfirmuar emrat e kandidatëve që kanë siguruar votat e nevojshme për t’u bërë deputetë në Kuvendin e Kosovës.
Lista kryesohet nga lideri i partisë, Albin Kurti, i cili ka marrë 321,745 vota, duke qenë kandidati më i votuar i subjektit.
Pas tij renditen:
- Glauk Konjufca – 262,244 vota
- Albulena Haxhiu – 163,785 vota
- Hekuran Murati – 136,723 vota
- Donika Gërvalla-Schwarz – 130,768 vota
- Xhelal Sveçla – 108,396 vota
Në mesin e emrave që kanë siguruar ulëse janë edhe:
Ejup Maqedonci, Avni Dehari, Hajrulla Çeku, Mimoza Kusari-Lila, Arben Vitia, Saranda Bogujevci, Nezir Kraki, Armend Muja, Arbër Rexhaj, Fitore Pacolli dhe Arbërie Nagavci.
Gjithashtu, pjesë e legjislaturës së re nga LVV pritet të jenë edhe emra të njohur si:
Adriana Matoshi, Agim Bahtiri, Dimal Basha, Artan Abrashi dhe Adnan Rrustemi.
Sipas të dhënave të publikuara, lista e deputetëve të zgjedhur nga LVV përfshin 53 kandidatë, megjithëse rezultatet mbeten ende preliminare deri në certifikimin përfundimtar nga KQZ.
Procesi zgjedhor aktualisht ndodhet në fazën e rinumërimit të disa vendvotimeve, pas vendimit të KQZ-së për rinumërimin e 185 vendvotimeve të rregullta, me qëllim garantimin e saktësisë maksimale të rezultatit përfundimtar.
