Gjatë shënimit të festës së Vidovdan në Gazimestan, Policia e Kosoves ka ndaluar 37 persona dhe i ka shoqëruar në stacion policor për intervistim.
Sipas policisë, ceremonia ka kaluar pa incidente serioze që do të cenonin sigurinë publike, por të ndaluarit dyshohen se kanë bërë thirrje provokuese me elemente të nxitjes së urrejtjes, në kundërshtim me ligjet në fuqi. Një person është gjobitur edhe për prishje të rendit dhe qetësisë publike.
Në mesin e brohoritjeve të raportuara ishin slogane si “Kosova është Serbi”, si dhe këngë me përmbajtje nacionaliste kushtuar Kosovës dhe Vidovdanit.
Vidovdani (28 qershori) ka rëndësi të madhe historike dhe fetare për serbët, pasi lidhet me Betejen e Kosoves, betejën e vitit 1389 kundër Perandorise Osmane. Tradicionalisht, Kisha Ortodokse Serbe mban shërbesë përkujtimore në Gazimestan për ushtarët e rënë.
Nga ana tjetër Zyra e Kosoves në Serbia e dënoi ndalimin e pjesëmarrësve, duke e quajtur “akt represiv dhe të papranueshëm”. Edhe Lista Serbe reagoi, duke thënë se ndalimet përbëjnë përpjekje për frikësim të komunitetit serb.
Siguria këtë vit ishte dukshëm e shtuar. Në hyrje të Gazimestanit, policia u shpërndau pjesëmarrësve njoftime ku paralajmërohej se nuk do të toleroheshin simbole apo flamuj që nxisin urrejtje ndëretnike, fetare ose politike.
Çështja e simboleve ka qenë e ndjeshme edhe më parë. Në vitin 2025, Gjykata kishte shfuqizuar vendimin e Graçanica për lejimin e flamurit serb gjatë Vidovdanit, me arsyetimin se kjo binte ndesh me ligjet e Kosovës, pasi Vidovdani nuk është festë zyrtare shtetërore.
Ngjarja në Gazimestan mbetet simbolikisht shumë e ndjeshme edhe për shkak të fjalimit të Slobodan Milosheviqit në vitin 1989, i cili shpesh konsiderohet si një nga momentet që parapriu konfliktet e armatosura në ish-Jugoslavia.REL
