E mërkura në Kosovo pritet të karakterizohet me mot të nxehtë, kryesisht me diell dhe me zagushi gjatë pjesës më të madhe të ditës.
Megjithatë, në disa lokalitete, veçanërisht në rajonin e Dukagjinit, priten rrebeshe të izoluara shiu, të shoqëruara me vetëtima dhe bubullimë.
Sipas parashikimeve, vonë pasdite, në mbrëmje dhe gjatë natës, atmosfera do të ketë tendencë të destabilizohet më tej. Në disa rajone priten shkarkesa atmosferike dhe rrebeshe lokale shiu, të cilat vende-vende mund të vazhdojnë edhe në orët e para të mëngjesit të së enjtes.
Temperaturat do të mbeten të larta gjatë ditës, ndërsa në mbrëmje dhe gjatë natës pritet freskim gradual i motit. Minimalja parashihet të zbresë deri në 14°C, ndërsa maksimalja do të arrijë rreth 32°C.
