E shtuna në Kosovo pritet të sjellë mot kryesisht me diell dhe mjaft të nxehtë veror, ndërsa temperaturat do të shënojnë rritje të ndjeshme në të gjithë vendin.
Gjatë pjesës më të madhe të ditës do të mbizotërojë moti i kthjellët, por pasdite pritet shtim lokal i vranësirave. Më vonë, në disa rajone, kryesisht në veriperëndim, veri dhe verilindje të Kosovës, mund të zhvillohen rrebeshe lokale shiu, të shoqëruara me vetëtima dhe bubullimë.
Temperaturat minimale do të zbresin deri në 14°C, ndërsa ato maksimale pritet të arrijnë deri në 33°C, duke shënuar rikthimin e vapës verore.
