Çmimet globale të ushqimeve pritet të rriten me dy shifra në vitin 2026, pasi përshkallëzimi i luftës së Rusisë në Ukrainë po e përkeqëson ndikimin mbi çmimet e ushqimeve, sipas Oxford Economics.
Sipas Euronews, rritja më e madhe pritet për grurin, gjë që mund të çojë gjithashtu në çmime më të larta për bukën dhe makaronat. Firma britanike e analizave ekonomike Oxford Economics vlerëson se çmimet globale të ushqimeve do të rriten me 11.8 përqind në vitin 2026 dhe me 4.8 përqind të tjera në vitin 2027.
Çmimet e drithërave, frutave, perimeve dhe produkteve të qumështit pritet të rriten më shumë. Nxehtësia ekstreme dhe thatësirat po shkatërrojnë të korrat në të gjithë Evropën. Fermerët po përballen gjithashtu me çmime të larta të energjisë dhe plehrave, të cilat po preken nga luftërat në Lindjen e Mesme dhe Ukrainë.
Pas një vale të nxehti në Evropë, tregtarët e drithërave dhe farërave vajore Coceral me seli në Bruksel uli në korrik parashikimin e tyre për korrjen e drithërave në Bashkimin Evropian dhe Mbretërinë e Bashkuar nga 295.5 milionë ton në 286.6 milionë ton. Korrja e vitit të kaluar ishte 310 milionë ton.
