KRU “Gjakova” Sh.A. ka nisur aksionin e shkyçjes së konsumatorëve që nuk kanë përmbushur obligimet e tyre ndaj kompanisë.
Ekipet e shkyçjes dhe kontrollit kanë dalë në terren në tre rajonet që mbulon kompania: Gjakovë, Rahovec dhe Prizren.
Gjatë aksionit janë shkyçur konsumatorë me borxhe, duke përfshirë raste me 10,600 euro, 6,000 euro, 4,500 euro dhe 2,300 euro borxh ndaj kompanisë.
KRU “Gjakova” ka bërë të ditur se aksioni i shkyçjeve do të vazhdojë edhe në ditët në vijim.
Kompania i ka bërë thirrje konsumatorëve borxhlinj që të përmbushin obligimet e tyre për t’u shmangur nga shkyçja.
