Kuvendi i Kosovës ka miratuar në shqyrtim të dytë Projektligjin për ndryshimin dhe plotësimin e Ligjit për ndarjet buxhetore për Buxhetin e Republikës së Kosovës për vitin 2026.
Projektligji u miratua me 62 vota për, asnjë kundër dhe asnjë abstenim, ndërsa deputetët e opozitës nuk morën pjesë në votim.
Miratohen dy nga shtatë amendamentet
Propozimi për rishikimin e buxhetit për vitin 2026 përmbante gjithsej shtatë amendamente. Nga to, përkrahjen e deputetëve e morën dy amendamente, përfshirë edhe atë që lidhet me pagën e 13-të.
Me miratimin e ndryshimeve buxhetore, procedura parlamentare për këtë projektligj ka kaluar fazën e shqyrtimit të dytë në Kuvend.
