Magazina QendraQendra
  • Kreu
  • Lajme
  • Sport
  • Lifestyle
  • Shendeti
  • Fejton
  • Kulture
  • Ekonomia
  • Opinione
Home Sport

Kosova dhe Shqipëria në të njëjtën vazo për Euro 2028, më 6 dhjetor mësojnë kundërshtarët

Qendra Info by Qendra Info
18/11/2026
in Sport
0
Kosova pëson humbje 3:0 nga Irlanda, por siguron qëndrimin në Ligën B të Kombeve
0
SHARES
0
VIEWS
Share on FacebookShare on Twitter

Kosova dhe Shqipëria do të jenë në vazon e tretë në shortin për kualifikimet e Kampionatit Evropian të futbollit, Euro 2028, i cili do të tërhiqet më 6 dhjetor 2026 në Belfast të Irlandës së Veriut.

Ceremonia e shortit do të nisë në orën 18:00, sipas kohës së Evropës Qendrore, ndërsa 54 përfaqësuese do të mësojnë kundërshtarët e tyre në rrugën drejt Kampionatit Evropian.

Pozicionimi i Kosovës në vazon e tretë është përcaktuar pas përfundimit të fazës së grupeve të Ligës së Kombeve. Humbja 3:0 ndaj Irlandës në Dublin ndikoi në renditjen përfundimtare, duke bërë që Irlanda të pozicionohet në vazon e dytë, ndërsa Kosova në të tretën.

Në të njëjtën vazo me Kosovën dhe Shqipërinë janë edhe Skocia, Ukraina, Polonia, Rumania, Gjeorgjia, Izraeli, Maqedonia e Veriut, Mali i Zi, Islanda dhe Sllovakia.

Duke qenë se ndodhen në të njëjtën vazo, Kosova dhe Shqipëria nuk mund të shortohen në të njëjtin grup kualifikues.

Si do të zhvillohen kualifikimet për Euro 2028?

Sipas formatit të paraparë, 54 përfaqësueset do të ndahen në 12 grupe. Gjashtë prej tyre do të përbëhen nga katër ekipe, ndërsa gjashtë të tjera nga pesë ekipe.

Ndeshjet kualifikuese do të zhvillohen nga marsi deri në nëntor të vitit 2027.

Fituesit e 12 grupeve do të sigurojnë drejtpërdrejt pjesëmarrjen në Kampionatin Evropian, së bashku me tetë përfaqësueset e renditura të dytat me rezultatet më të mira.

Vendet e mbetura do të përcaktohen përmes ndeshjeve të plejofit, të planifikuara për marsin e vitit 2028.

Edhe vendet organizatore do të luajnë në kualifikime

Një veçanti e Euro 2028 është se katër vendet organizatore, Anglia, Skocia, Uellsi dhe Republika e Irlandës, do të marrin pjesë gjithashtu në procesin kualifikues.

Për vendet organizatore janë paraparë dy vende të rezervuara, të cilat mund të përdoren nëse ato nuk arrijnë të sigurojnë kualifikimin përmes rezultateve në grupe, sipas rregullave të UEFA-s.

Për Kosovën dhe Shqipërinë, shorti i 6 dhjetorit do të përcaktojë kundërshtarët dhe rrugën që duhet të ndjekin për të synuar pjesëmarrjen në Kampionatin Evropian 2028.

Related

Previous Post

Rama: Buxheti i vitit 2027 arrin në 10 miliardë euro, opozita braktis sallën gjatë fjalimit të kryeministrit

Please login to join discussion
  • Kreu
  • Lajme
  • Sport
  • Lifestyle
  • Shendeti
  • Fejton
  • Kulturë
  • Ekonomia
  • Opinione

© 2026 JNews - Premium WordPress news & magazine theme by Jegtheme.

×
No Result
View All Result

Recent Searches

Lajme
Shendet
Sport
Kulture
Ekonomi
No Result
View All Result
  • Kreu
  • Lajme
  • Sport
  • Lifestyle
  • Shendeti
  • Fejton
  • Kulturë
  • Ekonomia
  • Opinione

© 2026 JNews - Premium WordPress news & magazine theme by Jegtheme.