Administrata amerikane e presidentit Donald Trump do të pezullojë nga data 21 janar të gjitha procedurat e lëshimit të vizave për shtetas nga 75 vende, raportoi Fox News, duke iu referuar një memorandumi të Departamenti i Shtetit i SHBA.
Sipas raportimit, në listën e vendeve të prekura përfshihen, ndër të tjera, Rusia, Somalia, Irani, Afganistani, Brazili, Nigeria dhe Tajlanda. Zyrtarë të Departamentit të Shtetit nuk kanë dhënë ende një koment zyrtar lidhur me këtë vendim, ndërsa nuk është bërë e ditur as kohëzgjatja e pezullimit.
Fox News thekson se ambasadat amerikane janë udhëzuar të refuzojnë lëshimin e vizave në bazë të legjislacionit ekzistues, derisa autoritetet amerikane po rishikojnë procedurat përkatëse të emigracionit dhe sigurisë.
Vendimi vjen disa muaj pasi presidenti Trump ishte zotuar publikisht se do të “ndalonte përfundimisht” emigracionin nga të ashtuquajturat “vende të Botës së Tretë”, pas një incidenti pranë Shtëpisë së Bardhë, ku një shtetas afgan vrau një anëtar të Gardës Kombëtare.
Masat e reja pritet të shkaktojnë reagime të forta ndërkombëtare, ndërsa mbetet e paqartë nëse dhe kur administrata amerikane do të rishikojë ose lehtësojë këtë pezullim të gjerë të vizave.
