Ministria e Arsimit, Shkencës, Teknologjisë dhe Inovacionit (MAShTI) ka njoftuar se deri më tani provimin e Maturës Shtetërore përmes platformës e-Kosova e kanë paraqitur 5,110 kandidatë.
Me qëllim sigurimin e qasjes së barabartë për të gjithë maturantët që i plotësojnë kriteret, MAShTI ka vendosur që të zgjatë afatin për paraqitjen e provimit deri më 25 gusht 2025, në ora 10:00.
Institucioni fton të gjithë maturantët që ende nuk e kanë paraqitur provimin, të shfrytëzojnë këtë mundësi shtesë dhe të aplikojnë përmes platformës e-Kosova.
