Ditën e djeshme, Alban Hyseni zhvilloi një takim me banorët e lagjes Balec, ku së bashku me kandidatin për Asamble, Ali Arifi, diskutuan për programin dhe vizionin e tyre për katër vitet e ardhshme.
“Me Aliun kemi punuar ngushtë në projektet më të mëdha që do ta transformojnë komunën tonë, dhe ai mbetet një garanci e fortë për vazhdimin e punëve të mira,” shkruan Hyseni në rrjetin e tij social, Facebook.
Në aktivitet mori pjesë edhe ish-kryetari i Gjilanit, Qemajl Mustafa, i cili ndau përvojën dhe mbështetjen e tij për rrugën e përbashkët të zhvillimit të komunës.
Ky takim është pjesë e fushatës së Hysenit dhe Arifit për të forcuar lidhjen me komunitetin dhe për të prezantuar projektet që synojnë përmirësimin e infrastrukturës dhe shërbimeve publike në Gjilan.
