Anëtari i Lëvizjes Vetëvendosje në Komisionin Qendror të Zgjedhjeve (KQZ), Alban Krasniqi, ka reaguar me tone të ashpra ndaj kryetarit të Prishtinës, Përparim Rama.
Krasniqi, i cili është bashkëshorti i ushtrueses së detyrës së presidentes së Kosovës, Albulena Haxhiu, ka komentuar në një postim të Ramës në rrjetin social Facebook, duke e cilësuar atë me termin “vrasës”.
“Jo mirëmëngjesi, por alo prokuroria, o vrasës”, ka shkruar Krasniqi në koment.
Ky reagim është bërë në një postim të kryetarit të Prishtinës, ndërsa komenti i Krasniqit është publikuar bashkë me një pamje të ekranit të komunikimit.
Deri në publikimin e këtij lajmi, Përparim Rama nuk ka dhënë ndonjë reagim zyrtar lidhur me deklaratën e Krasniqit.
