Albulena Haxhiu nuk ka arritur të zgjidhet kryetare e Kuvendit të Kosovës as në raundin e gjashtë të votimit. Kandidatura e saj është rrëzuar sërish në seancën e mbajtur sot, pasi nuk arriti të sigurojë shumicën e nevojshme të votave.
Në votimin e fundit, Haxhiu mori:
-
57 vota “Për”
-
41 vota “Kundër”
-
3 abstenime
Pas shpalljes së rezultatit, drejtuesi i seancës, Avni Dehari, konstatoi mungesën e votave të mjaftueshme dhe njoftoi ndërprerjen e seancës.
“Konstatoj se deputetja nuk i ka votat dhe e ndërpresim seancën,” tha Dehari.
Ai gjithashtu bëri të ditur se seanca e radhës do të mbahet më 29 prill 2025, në orën 10:00.
