Ministrja e Drejtësisë, Albulena Haxhiu, ka reaguar ashpër ndaj një vendimi të Panelit Zgjedhor për Ankesa dhe Parashtresa (PZAP).
Në një postim në Facebook, Haxhiu ka ironizuar vendimin, duke thënë se me këtë logjikë edhe “kryeterroristi” Milan Radoiçiq do të duhej të certifikohej për pjesëmarrje në zgjedhje.
“Sipas logjikës së PZAP-it, edhe kryeterroristi Milan Radoiçiq do të duhej të certifikohej për pjesëmarrje në zgjedhje. Një absurditet i frikshëm!”, ka shkruar Haxhiu.
Ky reagim vjen në vazhdën e debateve politike për procesin e certifikimit të subjekteve dhe kandidatëve për zgjedhje.
