Arrestohen tre të mitur në Mitrovicë të Veriut për “Lëndim të lehtë trupor” dhe “Kanosje”

Policia e Kosovës ka arrestuar tre persona të mitur të dyshuar për përfshirje në veprat penale “Lëndim i lehtë trupor” dhe “Kanosje”.

Të miturit e identifikuar si:

1. I.D. (2010)

2. J.S. (2010)

3. V.M. (2011)

dyshohet se më 28 shtator 2025 kanë sulmuar fizikisht një qytetar në rrugën “Lola Ribar” në Mitrovicë të Veriut, si dhe kanë kanosur nipin e tij të mitur. Viktima pas sulmit ka marrë trajtim mjekësor.

Arrestimi u realizua më 30 shtator në Mitrovicë të Veriut. Pas intervistimit në prani të mbrojtësve ligjorë dhe në përputhje me procedurat ligjore, tre të miturit janë liruar me urdhër të prokurorit të shtetit, ndërsa ndaj tyre janë inicuar raste penale për dy veprat në fjalë.

Policia e Kosovës theksoi përkushtimin e saj për luftimin e dhunës dhe garantimin e sigurisë publike, duke ftuar qytetarët të raportojnë çdo rast të ngjashëm në mënyrë që të merren masat e nevojshme ligjore.