Policia e Kosovës ka njoftuar se hetuesit e stacionit policor në Ferizaj kanë arrestuar një 28-vjeçar me inicialet B.T., i dyshuar për disa raste vjedhjesh të kryera në periudhën 1 korrik – 19 gusht 2025 në banesa dhe objekte banesore të qytetit.
Nga hetimet është zbuluar se i dyshuari ka vjedhur dy trotinete elektrike dhe dy biçikleta, me vlerë rreth 4,220 euro, të cilat më pas i ka shitur duke njoftuar blerësit se ishin sende të vjedhura. Policia ka arritur të sekuestrojë sendet dhe do t’ua kthejë pronarëve ligjorë.
Gjithashtu, ndaj dy personave të tjerë, G.B. (33) dhe B.H. (25), është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar dijeninë për origjinën e tyre.
Me urdhër të prokurorit të shtetit, i dyshuari kryesor është ndaluar për 48 orë për procedura të mëtejshme hetimore.
