Policia e Kosovës, përmes Drejtorisë Rajonale Mitrovicë-Jugu, ka arrestuar një person të dyshuar për përfshirje në veprën penale të ‘Fajdesë’.
Më 19 nëntor 2025 rreth orës 19:00, R.G., i lindur në vitin 1988, u arrestua ndërsa po kryente veprën për të cilën dyshohej. Me urdhër të gjykatës u krye kontrolli në banesën dhe objektet ndihmëse të të dyshuarit, ku u konfiskuan dëshmi që lidhen me rastin.
I dyshuari u intervistua në prezencë të avokatit mbrojtës dhe, me urdhër të prokurorit, u dërgua në qendrën e mbajtjes.
Policia e Kosovës thekson përkushtimin e saj në parandalimin e veprave penale, ruajtjen e rendit publik dhe sigurinë e qytetarëve pa dallim.
