Njësitë policore të Stacionit Veriu në Prishtinë kanë arrestuar një 16-vjeçar të dyshuar për vjedhje, pas një pune hetimore dhe operacionale.
I dyshuari, me inicialet A.B., shtetas i Republikës së Kosovës, u kap në posedim të sendeve të vjedhura gjatë kontrollit të kryer me urdhër të prokurorit. Sendet e sekuestruara iu janë kthyer pronarit legjitim.
Me vendim të prokurorit të shtetit, i mituri është dërguar në mbajtje, ndërsa hetuesit po vazhdojnë procedurat për zbardhjen e plotë të rastit.
