Prokuroria Themelore në Mitrovicë ka bërë të ditur se pas një pune intensive operative është arrestuar një person me inicialet D.B., i cili dyshohet për veprat penale “Vrasje e rëndë në tentativë” dhe “Mbajtje në pronësi, kontroll ose posedim të paautorizuar të armëve”.
Sipas njoftimit, i dyshuari ishte në kërkim prej disa muajsh dhe ngarkohet me dyshimin se ka tentuar të vrasë të birin e tij.
Pas arrestimit, me vendim të prokurorit të rastit, D.B. është ndaluar për 48 orë.
Brenda afatit ligjor të paraparë, Prokuroria Themelore në Mitrovicë do të paraqesë kërkesën për caktimin e masës së sigurisë ndaj të pandehurit në gjykatën kompetente.
