Policia e Kosovës ka realizuar me sukses arrestimin e një personi të kërkuar nga drejtësia për vepra të rënda penale.
Sipas njoftimit zyrtar, njësitë e Drejtorisë së Policisë së Kryeqytetit, në vazhdën e aksioneve për kapjen e personave të dyshuar dhe të dënuar, kanë arrestuar mbrëmë:
-
B.C., mashkull, 20 vjeç, shtetas i Republikës së Kosovës.
I njëjti ishte shpallur në kërkim dhe ishte i dënuar me 2 vite e 6 muaj burgim për veprën penale “Keqpërdorim i fëmijëve në pornografi”.
Pas arrestimit, i riu është dërguar për vuajtje të dënimit në përputhje me vendimin e gjykatës.
Policia e Kosovës ka ritheksuar përkushtimin e saj për identifikimin dhe kapjen e personave të rrezikshëm dhe zbatimin e ligjit pa kompromis.
