Policia e Kosovës ka arrestuar një person të kërkuar me vendim gjykate për veprën penale “Mashtrim”.
Sipas njoftimit nga Drejtoria Rajonale e Policisë në Prishtinë, njësitë e stacionit policor të Lipjanit kanë realizuar sot një aksion në fshatin Gllogovc, ku është kapur i kërkuari A.A (30 vjeç), shtetas i Republikës së Kosovës.
I njëjti ishte dënuar me 1 vit e 6 muaj burgim, ndërsa pas arrestimit është dërguar në vuajtje të dënimit.
Policia ka theksuar se do të vazhdojë aksionet për kapjen e personave të kërkuar dhe të dënuar për vepra penale në gjithë rajonin e Prishtinës.
