Policia e Kosovës ka arrestuar një person të dyshuar për trafikim me lëndë narkotike në një operacion të përbashkët të Drejtorisë për Hetimin e Trafikimit me Narkotik, Njësia e Prizrenit, dhe hetuesve nga SP Suharekë.
Bëhet fjalë për A.Gj., i lindur në vitin 2005, mashkull kosovar. Pas marrjes së informatave për dyshimin e përfshirjes së tij në trafikim, dhe në konsultim me prokurorin, është kontrolluar shtëpia e të dyshuarit.
Gjatë kontrollit, janë gjetur dhe sekuestruar:
-
42 doza qese plastike me substancë të dyshuar narkotike të llojit marihuanë, me peshë totale 37.98 gram;
-
Një grinder/mulli;
-
Një telefon mobil dhe sende të tjera të përdorura për aktivitetin kriminal.
Ndaj të dyshuarit është iniciuar rasti për “blerjen, posedimin, shpërndarjen dhe shitjen e paautorizuar të narkotikëve, substancave psikotrope dhe analoge”.
Me aktvendim të prokurorit, i dyshuari është dërguar në mbajtje, ndërsa hetimet për rastin vazhdojnë.
