Qeveria austriake po sjell një ndryshim të madh që prek direkt mijëra shqiptarë që jetojnë e punojnë atje, sidomos ata që vazhdojnë punën edhe pasi marrin pension.
Shumë prej bashkatdhetarëve tanë punojnë pas daljes në pension për të plotësuar të ardhurat, për të ndihmuar fëmijët, apo thjesht sepse ndihen aktivë. Deri sot, tatimet e larta ua kanë bërë këtë të vështirë. Tani loja po ndryshon.
Çfarë do të vlejë nga 1 janari 2027?
Pensionistët që punojnë do të mund të fitojnë deri në:
15,000 € në vit pa paguar asnjë taksë
ose
1,250 € në muaj pa tatimim
Kjo është një lehtësim i madh, sidomos për ata që punojnë me orë të pjesshme, në kompani pastrimi, ndërtim, gastronomi, transport apo sektorë të tjerë ku shumica e shqiptarëve kontribuojnë.
Pse e bën Austria këtë?
Sepse vendi po plaket dhe mungojnë punëtorët. Pa njerëz që punojnë më gjatë, sistemi i pensioneve nuk mbahet dot.
Prandaj, qeveria po përpiqet t’i motivojë pensionistët – përfshirë bashkatdhetarët tanë – të vazhdojnë punën, por pa i rënduar me tatime.
Kush përfiton më shumë?
💠 Shqiptarët në Austri që janë në pension dhe bëjnë punë të dytë
💠 Personat që kanë punë sezonale pas pensionit
💠 Të vetëpunësuarit që ende vazhdojnë aktivitetin
💠 Familjet shqiptare që varen nga dy burime të ardhurash
Shumë prej tyre deri tani nuk punonin dot më shumë, sepse tatimi “e hante gjysmën”. Kjo s’do të ndodhë më.
Çfarë duhet të dinë bashkatdhetarët?
-
Sistemi nis në 2027, jo më herët
-
Vlen si për punonjësit e kontraktuar, ashtu edhe për të vetëpunësuarit
-
S’ka rëndësi nëse merrni pension të plotë apo të pjesshëm
Qeveria austriake ka sinjalizuar edhe ndryshime të tjera, si pension i pjesshëm dhe forcim të pensioneve të kompanive – çka prek shumicën e punëtorëve shqiptarë në sektorë fizikë.
Mesazh për komunitetin shqiptar në Austri
Shumë prej nesh kanë kaluar dekada në punë të rënda. Kjo lehtësim tatimor më në fund i njeh lodhjet dhe kontributin e tyre. Austria po u thotë: “Po, na duheni. Mund të punoni, pa ju varrosur tatimet.”
