Kryetari i PDK-së, Bedri Hamza u ka bërë thirrje përmes një video-mesazhi qytetarëve të cilët synojnë të kontribuojnë politikisht duke thënë se lista e partisë është e hapur për njerëz të ndershëm që punojnë me përkushtim dhe e duan vendin.
Kreu i PDK-së, Bedri Hamza, tha se lista e partisë së tij me kandidatët për deputetë nuk do të jetë vetëm politike, por e hapur edhe për ata që duan t’i hyjnë garës së qershorit.
Ai tha se PDK ka garantuar hapësirë për profesionistë edhe nëse ata s’kanë qenë të angazhuar kurrë në politikë.
“Sot kam një ftesë të hapur. Në PDK, lista jonë për deputetë nuk do të jetë vetëm listë politike, por edhe listë e hapur për të gjithë. Kemi garantuar hapësirë për profesionistë, për gra e burra të aftë, për njerëz që ndoshta nuk kanë qenë pjesë e politikës deri sot ose që ne nuk e kemi pasur fatin t’i njohim ende nga Kosova e diaspora”, tha Hamza.
Ai tha se ka ardhur koha që “njerëzit e mirë të mos rrinë më anash”.
Në fund, Hamza la email’in e tij për ata që duan t’ia mësyjnë garës në listën e PDK’së.
“Më kontaktoni në bedri.hamza@pdk.info; Kosova ka nevojë për ju!”.
