Kryetari i Partisë Demokratike, Sali Berisha, ka votuar sot në Liceun Artistik në Tiranë, në kuadër të zgjedhjeve parlamentare që po zhvillohen në të gjithë Shqipërinë. Pas hedhjes së votës, ai u bëri thirrje qytetarëve që të shprehin vullnetin e tyre në kutitë e votimit, duke theksuar rëndësinë e kësaj dite për të ardhmen e vendit.
“Sot të gjithë duhet të votojnë për veten, për fëmijët, për pensionet, për pagat, për punësimin, biznesin dhe të ardhmen e tyre në këtë vend,” tha Berisha para gazetarëve.
Berisha, që kandidon për postin e kryeministrit, deklaroi se atmosfera mes qytetarëve ishte pozitive dhe optimiste. “Takova njerëz të gëzuar, të sigurtë në votën e tyre dhe që mezi presin rezultatin,” u shpreh ai.
I pyetur nëse do ta pranonte rezultatin e zgjedhjeve, Berisha dha një përgjigje simbolike: “Do të kemi një ditë të dytë vere.”
