Blerim Sallahu është caktuar ushtrues detyre i Ministrisë së Drejtësisë, pas zgjedhjes së Albulena Haxhiut në pozitën e nënkryetares së Kuvendit të Kosovës.
Në një njoftim të Kryeministrisë, bëhet me dije se kryeministri në detyrë, Albin Kurti, ka vendosur që zëvendësministri aktual i Drejtësisë, Blerim Sallahu, të marrë këtë përgjegjësi të re.
“Kryeministri Kurti e uron z. Sallahu për përgjegjësinë e re dhe i dëshiron suksese në përmbushjen e detyrave”, thuhet në komunikatën e Qeverisë.
