Drejtoria Rajonale e Policisë – Prishtinë njofton qytetarët për masat e veçanta të qarkullimit rrugor për shkak të Maratonës Ndërkombëtare Prishtina 2025, që zhvillohet të dielën, më 28 shtator.
Policia ka marrë të gjitha masat e nevojshme për të siguruar sigurinë e pjesëmarrësve, si dhe për të rregulluar qarkullimin dhe trafikun në rrugët e prekura. Gjatë zhvillimit të maratonës, do të ketë bllokime totale dhe të pjesshme të rrugëve në mënyrë që të krijohet rrjedhshmëri e sigurt dhe e kontrolluar e trafikut.
Rrugët e bllokuara dhe orari i masave
-
Qarkullimi i automjeteve në rrugën Prishtinë – Fushë Kosovë drejt Pejës dhe anasjelltas, deri te nyja për lidhje me autostradën “Ibrahim Rugova”, do të ndërpritet nga ora 09:00 deri në përfundim të maratonës.
Rrugët alternative për qytetarët
Policia e Kosovës u bën thirrje qytetarëve të ndjekin udhëzimet për të shmangur vonesat:
-
Nga Peja drejt Prishtinës → përdorni rrugën: Sllatinë – fsh. Magurë – Lipjan, pastaj lidheni me rrugën nacionale Ferizaj – Prishtinë.
-
Nga Peja drejt Fushë Kosovës → përdorni rrugën: Sllatinë – Bardh i Vogël – fsh. Kuzmin – Fushë Kosovë.
-
Nga Prishtina/Veterniku drejt Pejës/Aeroportit → rruga: Prishtinë – Lipjan – Rufc i Ri – Poturoc – Magurë – Aeroport.
-
Nga Mitrovica drejt Pejës/Aeroportit → përdorni autostradën prej Mazgitit drejt Shkupit, dilni në Lipjan, pastaj: Rufc i Ri – Poturoc – Magurë – Aeroport.
-
Nga Mitrovica drejt Ferizajt → qarkullimi i automjeteve nuk do të ndalohet; rruga nacionale do të jetë e lirë për lëvizje.
Transporti publik
Autobusët në relacione Prishtinë – Fushë Kosovë – Aeroport dhe drejt Pejës nuk duhet të qarkullojnë gjatë kohës së maratonës. Ata duhet të përdorin rrugët alternative të përmendura më sipër.
