Ministria e Infrastrukturës dhe Transportit ka njoftuar se të mërkurën, më 04.03.2026, do të bllokohet përkohësisht qarkullimi në segmentin Kijevë–Dollc të rrugës nacionale N9, në aksin Prishtinë–Pejë.
Sipas njoftimit zyrtar, në kuadër të projektit për zgjerimin e rrugës N9 (LOT-4), do të realizohet sanimi i një grope pranë Urës nr. 7, në kilometrat 10+893.15 deri në 10+947.32, në vendin e njohur si Kalaja e Dollcit.
Për shkak të zhvillimit të punimeve, trafiku do të ndërpritet nga udhëkryqi Gjakovë–Klinë deri te udhëkryqi i rrugës për Gjurgjevik.
Ndërprerja do të nisë nga ora 08:00 dhe do të zgjasë deri në përfundimin e sanimit, por jo më shumë se 48 orë.
Ministria u ka kërkuar qytetarëve dhe pjesëmarrësve në trafik mirëkuptim për shqetësimet e mundshme dhe ka rekomanduar përdorimin e rrugëve alternative gjatë kësaj periudhe.
