Sot ka nisur rrugëtimi i Botërorit të Klubeve me sfidën mes Al Ahli dhe Inter Majemi, e cila përfundoi pa gola, 0-0. Ndeshja u zhvillua në “Hard Rock Stadium” dhe ishte një përballje që nuk la shumë për t’u kujtuar, veçanërisht për skuadrën e Inter Majemit, ku ylli Lionel Mesi nuk arriti të shkëlqejë, sidomos në pjesën e parë ku performanca e tij ishte shumë larg pritshmërive.
Momenti më i rëndësishëm i takimit u regjistrua në minutën e 43-të, kur futbollisti i Al Ahli humbi një penallti të mirë, duke i mohuar skuadrës mundësinë për të kaluar në avantazh. Portieri i Inter Majemit, Ustari, u shpall lojtari më i mirë i ndeshjes për pritjet e tij të shumta dhe vendimtare gjatë gjithë takimit.
Të dyja skuadrat përfituan nga ky barazim, duke marrë nga një pikë në grupin ku ndodhen gjithashtu Porto dhe Palmeiras, që do të përballen në ndeshjet e ardhshme.
Në orën 18:00 sot në fushë do të zbresin Bajern Mynih dhe Okland Siti, ndërsa më vonë, në orën 21:00, do të zhvillohet edhe dueli mes Paris Saint-Germain dhe Atletiko Madrid.
Ngjarje dhe emocione të forta priten në këtë Botëror klubi, ndërsa skuadrat kërkojnë të tregojnë më të mirën në kërkim të trofeut prestigjioz.
