Përfaqësuesi i zyrës ligjore në Institutin Demokratik të Kosovës, Vullnet Bugaqku për RTV21 tha se afati 30-ditor për konstituimin e Kuvendit përfundon sonte në mesnatë.
Bugaqku i bën thirrje LVV-së, si grupi më i madh parlamentar, që të procedojë sa më shpejt me propozimin e kandidatit për kryetar të Kuvendit. Në një situatë hipotetike, nëse sot nuk ftohet seanca dhe kalon afati kushtetues, Bugaqku thotë se do të cënohej rëndë Kushtetuta.
“Në rast se deputetët nuk e konstituojnë Kuvendin brenda afatit kushtetues, kjo do të përbënte cenim të rëndë të rendit kushtetues. Fakti që Gjykata Kushtetuese ka caktuar një afat 30-ditor për konstituimin e Kuvendit do të thotë se ai duhet të respektohet dhe të zbatohet. Deputetët duhet të tregojnë kujdes maksimal ndaj këtij afati sepse nuk guxojnë ta lënë Kuvendin e Kosovës të pakonstituuar.”
