Tregjet evropiane e kanë nisur javën në rënie, pasi investitorët po presin takimet e bankave qendrore më të mëdha të botës, që zhvillohet më vonë gjatë kësaj jave.
Indeksi Stoxx600 e ka nisur ditën në rënie me 0.6 për qind, ndërsa lëndët e para realizojnë fitimet më të mëdha në rritje me 1.7 për qind.
Rezerva Federale do të fillojë të martën takimin 2-ditor, dhe pritshmëritë janë që norma bazë e interesit të rritet me 50 pikë bazë.
Referuar të dhënave më të fundit në SHBA, çmimet e prodhimit u rritën me 0.3 për qind gjatë nëntorit, një hap më i madh se parashikimet e analistëve.
Ndërkohë, ekonomia e Britanisë së Madhe u rrit me 0.5 për qind me bazë mujore, gjatë tetorit, ndërsa analistët parashikonin një rritje me 0.4 për qind. Por, Banka e Anglisë parashikon se ekonomia është tashmë në recesion, i cili do të zgjasë deri në fund të vitit 2023.
Gjatë ditës nuk priten të dhëna të rëndësishme dhe fokusi i tregjeve do të jetë vetëm te takimet e Rezervës Federale, Bankës Qendrore Evropiane dhe Bankës së Anglisë. /Telegrafi/
