Sot në Kuvendin e Republikës së Maqedonisë së Veriut do të mbahet ceremonia e ndarjes së Çmimit shtetëror “Nënë Tereza” për vitin 2025.
Ky çmim njihet për vlerësimin e arritjeve veçanërisht të rëndësishme në fushën e humanizmit dhe solidaritetit njerëzor, si dhe për promovimin e mirëkuptimit të ndërsjellë dhe zhvillimin e bashkëpunimit midis kombeve, komuniteteve, kulturave dhe feve të ndryshme.
Fituesit e këtij viti janë Borçe Stamenov dhe doc.dr. Irfan Ahmeti, të cilët do të nderohen për kontributin e tyre të shquar në shoqëri dhe aktivitetet humanitare.
