Policia e Kosovës njofton se në objektin përcjellës- kullë të Kompleksit Memorial “Zahir Pajaziti” në Orllan të Podujevës janë vërejtur disa dëmtime.
Sipas raportit 24 orësh të Policisë, rasti u iniciua si “Asgjësim apo dëmtim i pasurisë së huaj”.
“Kompleksi Memorial-Zahir Pajaziti, Orllan Podujevë 30.05.2026- 30.06.2026. Njësitet policore, pas pranimit të informatës, lidhur me rastin kanë dalë në vendin e ngjarjes dhe në objektin përcjellës-në kullë ka vërejtur disa dëmtime nëpër tavan dhe në korridorin e objektit. Lidhur me rastin është informuar edhe prokurori, ndërsa njësitet policore janë duke hetuar rastin”, njofton Policia.
