Prej vitesh, kryeministri i Shqipërisë, Edi Rama, e ka pasur fokus të veçantë sektorin e shëndetësisë, me theks të posaçëm te shërbimet onkologjike, ku shumë qytetarë përballen me sfida të mëdha për jetën.
Kjo vëmendje lidhet edhe me një përvojë personale të gjatë dhe të vështirë, pasi për rreth 11 vite djali i tij, Greg Rama, është përballur me kanceri.
Vetë kryeministri ka ndarë më herët momente të dhimbshme, por edhe plot shpresë, lidhur me betejën e të birit dhe forcën për ta përballuar këtë sëmundje. Po ashtu, edhe Gregu ka rrëfyer publikisht për periudhat më të vështira dhe mbështetjen që ka marrë nga i ati.
Në një intervistë të dhënë vite më parë, ai tregonte momentin kur u diagnostikua me sëmundjen dhe fjalët inkurajuese që mori nga babai i tij, duke e krahasuar betejën me një ndeshje basketbolli, ku nuk duhej dorëzuar deri në fund.
Pas një trajtimi të gjatë, përfshirë edhe kimioterapi, Gregu arriti ta fitojë atë betejë, duke dhënë shpresë për një rikthim në normalitet.
Megjithatë, kjo sfidë nuk ka përfunduar. Së fundmi, mësohet se Greg Rama po përballet sërish me sëmundjen dhe aktualisht po merr trajtim në Itali. Burime bëjnë të ditur se gjendja e tij paraqitet serioze.
Pavarësisht vështirësive, mbetet shpresa që ai të dalë sërish fitimtar nga kjo betejë.
