Avioni me të cilin presidenti i Serbisë, Aleksandar Vuçiç, ishte nisur drejt Moskës për të marrë pjesë në ceremoninë e Ditës së Fitores më 9 maj, është ndalur në Baku të Azerbajxhanit dhe aktualisht nuk ka leje për të vazhduar fluturimin drejt Rusisë.
Sipas mediave afër qeverisë serbe, të gjitha vendet përmes të cilave ishte planifikuar fluturimi kishin dhënë më parë miratimin e tyre, por tani, për shkak të përshkallëzimit të luftimeve mes Rusisë dhe Ukrainës, ato nuk mund të garantojnë sigurinë e fluturimit dhe nuk lejojnë vazhdimin e tij.
Nuk është bërë e qartë nëse presidenti Vuçiç do të arrijë të marrë pjesë në ngjarjen zyrtare në Moskë, apo do të kthehet në Beograd.
