Java e fundit e Bundesligës dhuroi emocione dhe vendime dramatike deri në sekondat e fundit, duke përcaktuar fatin e skuadrave në të dy skajet e tabelës – nga garat evropiane deri te mbijetesa.
Në krye të renditjes, Bayern Munich e mbylli sezonin në mënyrë të qetë me një fitore bindëse 4-0 ndaj Hoffenheim, duke konfirmuar përfundimisht titullin kampion. Megjithatë, të gjitha sytë ishin te beteja për vendin e katërt, që garanton pjesëmarrjen në UEFA Champions League.
Dortmund kalon në fotofinish Freiburgun
Borussia Dortmund nuk zhgënjeu dhe kreu detyrën në mënyrë bindëse, duke mundur 3-0 Holstein Kielin, një fitore që i mundësoi të kapërcejë Freiburgun në renditje dhe të sigurojë kualifikimin për në Ligën e Kampionëve. Përballja direkte e Freiburgut me Eintracht Frankfurtin përfundoi me humbje 1-3, duke zbritur skuadrën nga zonat elitare. Frankfurt, nga ana tjetër, blindoi vendin e tretë dhe pjesëmarrjen evropiane.
Leipzig bie nga zona evropiane, Mainzi i shpëton dramës
Një tjetër surprizë e javës erdhi nga Leipzig, që humbi në shtëpi 2-3 ndaj Stuttgartit dhe për pasojë mbeti jashtë garave evropiane për sezonin e ardhshëm. Mainz, në anën tjetër, arriti të marrë pikën që i duhej me një barazim 2-2 ndaj Bayer Leverkusen, duke përmbushur objektivin minimal të sezonit.
Beteja për mbijetesë: Haidenheim në play-out, Kiel dhe Bochum bien nga elita
Në fund të tabelës, Heidenheim përfundoi në vendin e 16, që çon në ndeshjet play-out, ndërsa Holstein Kiel dhe Bochum nuk arritën të shpëtojnë dhe ranë një kategori më poshtë, duke mbyllur një sezon të vështirë.
Rezultatet e plota të javës së fundit në Bundesliga:
-
Augsburg – Union Berlin 1-2
-
Borussia Mönchengladbach – Wolfsburg 0-1
-
Borussia Dortmund – Holstein Kiel 3-0
-
Freiburg – Eintracht Frankfurt 1-3
-
Heidenheim – Werder Bremen 1-4
-
Hoffenheim – Bayern Munich 0-4
-
Mainz – Bayer Leverkusen 2-2
-
Leipzig – Stuttgart 2-3
-
St. Pauli – Bochum 0-2
