Dy persona janë arrestuar nga autoritetet pasi kanë ndezur fishekzjarre mbrëmjen e së hënës pranë hotelit ku ishte akomoduar Kombëtarja e Turqisë, në prag të ndeshjes me Kosovën.
Sipas burimeve, rasti është cilësuar si “shkaktim i rrezikut të përgjithshëm”, ndërsa të dyshuarit janë dërguar në mbajtje për 48 orë.
Ngjarja ndodhi vetëm një natë para përballjes mes Kosova dhe Turqia, e cila zhvillohet sonte nga ora 20:45 në stadiumin Fadil Vokrri në Prishtinë.
Autoritetet nuk kanë dhënë detaje shtesë për motivet e incidentit, ndërsa pritet që organet e rendit të vazhdojnë hetimet për zbardhjen e plotë të rastit.
