Të dielën në Kosovë pritet të mbajë mot kryesisht me diell dhe vranësira të shpërndara lokale. Në orët e para të mëngjesit mund të paraqiten stuhi të izoluara, por gjatë ditës parashikohet të jetë më freskët se ditët e fundit, me intervale të gjata dielli dhe zhvillime të rrebesheve të përkohshme të shiut, të shoqëruara me vetëtima dhe bubullima.
Reshje të konsiderueshme nuk priten në gjithë territorin, ndërsa temperaturat maksimale do të arrijnë deri në 32 gradë Celsius.
Ndërkohë, në rajon, përfshirë Shqipërinë, Maqedoninë e Veriut, Luginën e Preshevës dhe Malin e Zi, parashikohet mot i ngjashëm – me diell dhe vranësira kalimtare. Rrebeshe lokale shiu parashikohen në veriun e Shqipërisë dhe në disa pjesë të Maqedonisë së Veriut.
Zona më e nxehtë do të jetë qendra e Maqedonisë së Veriut, ku temperaturat do të ngjiten në vlera të larta për sezonin.
Institucionet meteorologjike rekomandojnë kujdes në orët e pikut të vapës dhe shmangien e ekspozimit të drejtpërdrejtë në diell, veçanërisht për fëmijët, të moshuarit dhe personat me sëmundje kronike.
