E diela në Kosovë pritet të karakterizohet nga moti kryesisht me diell dhe me temperatura të larta që do të arrijnë deri në 34 gradë Celsius. Vapa verore do të mbizotërojë gjatë gjithë ditës, ndërsa vranësirat do të jenë të pakta në orët e para.
Megjithatë, gjatë pasdites parashihet që vranësirat të shpeshtohen, duke sjellë mundësi për reshje të izoluara shiu, të shoqëruara herë pas here me vetëtima dhe bubullima. Institucionet meteorologjike paralajmërojnë se gjatë natës nuk përjashtohet mundësia e ndonjë stuhie lokale në disa zona të Republikës së Kosovës.
Edhe në Shqipëri, Maqedoninë e Veriut, Luginën e Preshevës dhe Mal të Zi, e diela do të vijë nën ndikimin e kushteve të motit stabil dhe me diell. Temperaturat e larta do të ndihen në të gjitha rajonet, por nuk priten ekstreme apo fenomene të rënda atmosferike.
