E enjtja në Kosovë pritet të karakterizohet nga mot paksa më i ndryshueshëm, me intervale kohore me diell dhe vranësira të shpeshta, të cilat në disa zona mund të kushtëzojnë reshje të dobëta shiu gjatë ditës.
Sipas Institutit Hidrometeorologjik të Kosovës, gjatë orëve të vona të mbrëmjes dhe afër mesnatës, vranësirat do të dendësohen nga lindja, duke sjellë reshje më intensive shiu në shumë pjesë të vendit.
Në viset malore, parashikohet të ketë reshje shiu dhe bore, veçanërisht në lartësitë mbi 1,200 metra.
Temperaturat do të shënojnë vlera mesatare për periudhën, me maksimumet që pritet të arrijnë deri në 14 ose 15 gradë Celsius.
Meteorologët paralajmërojnë se fundjava do të sjellë stabilizim të përkohshëm të motit, ndërsa reshjet mund të rikthehen sërish në fillim të javës së ardhshme.
