Të enjten në Kosovë pritet të mbajë mot me vranësira dhe herë pas here intervale me diell. Në disa zona malore mund të paraqiten edhe fjolla sporadike bore.
Temperaturat do të luhaten nga 0 gradë Celsius minimalja deri në 12 gradë Celsius maksimalja, duke sjellë një freskim të lehtë të motit.
Në Shqipëri, Maqedoninë e Veriut, Luginën e Preshevës dhe Malin e Zi pritet mot me vranësira dhe intervale të shkurtra me diell. Reshje lokale bore parashihen në disa zona të lindjes dhe juglindjes së Shqipërisë, si dhe në perëndim të Maqedonisë së Veriut, ndërsa në viset tjera moti do të jetë kryesisht i thatë. Temperaturat do të shënojnë ulje në të gjithë rajonin.
